Монгол улсын Ерөнхийлөгчийн 2010 оны "Мод тарих үндэсний өдөр" зарлах тухай 63 дугаар зарлиг, Сүхбаатар сумын Засаг даргын захирамжийн дагуу бүх нийтийн хаврын мод тарих өдрийг тохиолдуулан өндөр хүчдэлийн шугам доогуур ургасан модыг шилжүүлэн суулгах ажлыг тус сумын сургууль, цэцэрлэгтэй хамтран зохион байгууллаа. Сүхбаатар сумын Засаг дарга Т.Гантулга энэхүү шилжүүлэн суулгасан модны арчилгаа, усалгааны ажлыг суулгасан сургууль, цэцэрлэгийн албан хаагчид өөрсдөө хяналт тавьж ажиллах талаар үүрэг чиглэл өглөө. Мод тарих үндэсний өдрийг тохиолдуулан өрх бүр хашаандаа 2 ширхэг мод мөн ААНБайгууллагуудыг мод тарих ажилд идэвхи санаачлагатай оролцохыг уриалж байна. СҮХБААТАР СУМЫН ЗАСАГ ДАРГЫН ТАМГЫН ГАЗАР.