Сэлэнгэ аймгийн Засаг дарга бөгөөд аймгийн Онцгой комиссын дарга Ш.Оргил Сүхбаатар сумын Онцгой комиссын Шуурхай штабын ажилтай өөрийн биеэр ирж танилцлаа. Коронавирусийн халдвар түүний тархалтаас урьдчилан сэргийлэх, өндөржүүлсэн бэлэн байдалд шилжсэнтэй холбогдуулан онцгой бүсэд ажиллаж байгаа Шуурхай штабын удирдлага, албан хаагчид болон сургууль, цэцэрлэгийн захирал, эрхлэгч, багш, ажилтан нар, ТҮГ-ыг цаг үеийн нөхцөл байдалд тулгуурлан зохион байгуулалттай сайн ажиллаж байгааг уулзалтын үеэр цохон тэмдэглэн хэллээ. Мөн цаашид энэхүү авч хэрэгжүүлж байгаа ажлаа улам бүр сайжруулан, хүн бүр хувийн ариун цэврээ сайтар сахиж, үр хүүхэд, гэр бүл, хайртай хүмүүсээ хамгаалж сонор сэрэмжээ алдалгүй, аюулгүй байдлаа хангаж ажиллахыг захилаа. АОК-ын дарга Ш.Оргилын гэр бүлийн зүгээс сумын Онцгой комисст дархлаа дэмжих бүтээгдэхүүн, амны хаалтыг өгч бидний ажилд дэмжлэг үзүүлсэнд сумынхаа нийт ард иргэд, ЗДТГ-ын хамт олны нэрийн өмнөөс баярласан талархснаа илэрхийлж гэр бүлд нь аз жаргал, эрүүл энх, сайн сайхныг хүсэн ерөөе. СҮХБААТАР СУМЫН ОНЦГОЙ КОМИСС.